Ագրարայինի դեկանի կրկնակի ուղերձը կամ Բույսերի պաշտպանի օրն առանց ուսանողների

Մայիսի 12-ը մեր հանրապետությունում նշվում է որպես Բույսերի պաշտպանի օր: Այս առիթով ուղերձ է հղել Հայաստանի ազգային ագրարային համալսարանի Ագրոնոմիական ֆակուլտետի դեկան Արմենակ Տեր-Գրիգորյանը: 

Դեկանն այնքան է կարևորել մասնագիտական տոնը, որ նույն ուղերձը հղել է նաև 5 օր առաջ՝ մայիսի 7-ին:

Թերևս ուշադրության չէր արժանանա դեկանի կրկնակի ուղերձը, եթե «Բույսերի պաշտպանություն» մասնագիտությամբ ընդունելության խայտառակ ցուցանիշներ արձանագրված չլինեին վերջին տարիներին:

Այսպես,  «Բույսերի պաշտպանություն» մասնագիտությամբ առկա ուսուցման համակարգ ընդունվել են՝

2021թ. – 1 ուսանող
2022թ. – 2 ուսանող
2023թ. – 2 ուսանող
2024թ. – 0 ուսանող

Իսկ այս տարի տվյալ մասնագիտություն դիմել է ընդամենը 2 դիմորդ:

Սա նույնն է, որ, օրինակ Երևանի պետական բժշկական համալսարանի Ընդհանուր բժշկության ֆակուլտետը մի քանի տարի չընդուներ ուսանողներ, սակայն ֆակուլտետի դեկանը, ով նաև մասնագետների պատրաստման հիմնական պատասխանատուներից է, մեկ շաբաթվա ընթացքում 2 անգամ անգամ նույն տեքստով շնորհավորեր բժիշկների մասնագիտական տոնը: