Իշխանությունը քաղաքի փողոցները վերածել է «պատերազմական» գոտի հիշեցնող կենտրոնի․ Գևորգ Ստեփանյան

Երևանի ավագանու «Մայր Հայաստան» խմբակցության անդամ Գևորգ Ստեփանյանը ֆեյսբուքյան իր էջում գրում է․

«Ասֆալտապատումը որպես «թրենդ» դարձրած ոչ կոմպետենտները քաղաքի փողոցները վերածել են «պատերազմական» գոտի հիշեցնող կենտրոնի։

Քաղաքացիների բազմաթիվ ահազանգերին պատասխանելով ասեմ՝ սիրելի՛ հայրենակիցներ, ձեր մեքենաների կրած վնասների ու ֆինանսական բեռի համար ոչ մի ապահովագրական ընկերություն իր վրա չի վերցնելու պատասխանատվությունը։

Երևան քաղաքը գտնվում է մի խմբակի ձեռքերում, որն անգամ տարրական փոսալցման աշխատանքներ ի՛ զորու չէ կատարել։

Միակ պատասխանատուն ու միակ մեղավորը քաղաքի ժամանակավոր կոալիցոն «իշխանությունն» է։

Ասֆալտը՝ ասֆալտ է…

Երևանը «տենդեռամոլներից» օր առաջ փրկելն է միակ ճանապարհը»։