Մարդասպանը ազատության մեջ է․ դատավարությունը ձգձգվում է, դատավճիռ չկա․ 3 տարի առաջ Նիկոլի անիվների տակ զոհվեց Սոնա Մնացականյանը

Ռուբեն Մուրադյանը գրում է․ «Ուղիղ երեք տարի առաջ Մեր Սրտի Վարչապետի ավտոշարասյան անիվների տակ զոհվեց Սոնա Մնացականյանը։

Ուղղակի թվարկեմ այս պահին հայտնի փաստերը.

- Նա հղի էր

- Փողոցն անցավ կանաչ լույսի տակ

- Կորտեժը կարմիրի տակ անցավ

- Ավտոշարասյունը շարժվում էր 108 կմ/ժ արագությամբ

- Կնոջը վրաերթի ենթարկած մեքենան կորտեժի առաջատար մեքենան էր

- Վթարից հետո կինը դեռ ողջ էր

- Մեքենան ոստիկանական էր, ոստիկան էր քշում

- Կորտեժում 10-ից ավելի մեքենա կար

- Կորտեժում բժիշկներով մեքենա կար

- Ոչ մի մեքենա կորտեժից չի կանգնել օգնություն ցուցաբերելու համար

- Սոնային վրաերթի ենթարկած մեքենան վարող ոստիկանին ձերբակալել են, հաջորդ օրը բաց են թողել։ Նա դեռ ազատության մեջ է։

- Տուժող կողմի փաստաբաններն ասում են, որ կորտեժի ռադիոխոսակցությունների ձայնագրությունը տարօրինակ կերպով անհետացել է (սա կարևոր է, որպեսզի պարզվի, թե ո՞վ և ի՞նչ որոշումներ է ընդունել և ինչ հրամաններ տվել, օրինակի համար բժիշկների մեքենան կարող էր կանգնել, կամ ոստիկանական մեքենան կարող էր կանգնել; նաև կարևոր է նրա համար, որպեսզի պարզվի՝ Մեր Սրտի Վարչապետի ներգրավվածությքն աստիճանը այս ամենի մեջ)

- Նույն փաստաբաններն ասում են, որ քննությունն օբյեկտիվ չի եղել

- Դատաքննության ժամանակ պարզվեց, որ կորտեժի կանգն արգելող օրենք չկա

- ՄԻՊ-ը (Քրիստինե Գրիգորյանը) փորձել է կոծկել Մեր Սրտի Վարչապետի արարքը՝ նշելով, որ, իր տեղեկություններով, Նիկոլը տեղյակ չի եղել կատարվածի մասին (հիշեցնում եմ՝ կորտեժի ռադիոխոսակցությունների ձայնագրությունները ինչ-որ տեղ անհետացել են)

Այստեղ կարող էինք ավարտել, բայց 2022 թվականի ապրիլի 10-ին (Սոնա Մնացականյանի մահից 16 օր առաջ) Նիկոլի կորտեժը վթարային իրավիճակ ստեղծեց Դիլիջանի ոլորաններում (կան տեսանյութեր)։

Այս պատմությունը բացակայում է միջազգային իրավապաշտպան կազմակերպությունների զեկույցներից։

Դատավարությունը ձգձգվում է, մինչև հիմա դատավճիռ չկա։ Մարդասպանը ազատության մեջ է։

ՀԳ Մարիամ Կանայանը մի քանի կարևոր ասպեկտ ավելացրեց։

- Շարասյունը էդ կատաղի արագությամբ սլանում էր ընդամենը ՔՊ խմբակցության նիստին

- նմանատի վթարային իրավիճկաներ ստեղծելու դեպքերը շատ են, անընդհատ նոր վկայություններ են ի հայտ գալիս։

- շարասյան պատասխանատուների նկատմամբ հանրային քրեական հետապնդում մինչ օրս դեռ չի հարուցվել, բողոքարկումների չգիտեմ որերորդ փուլն ա

- իշխանությանը պաշտպանող ներկայացուցիչները շարունակում են մեղադրել զոհին, victim blaming- ի բնորոշ տարբեր մեթոդներով ու խեղաթյուրել դեպքի տվյալները»։