Ռուսական զորքը վերահսկողության տակ է վերցրել Սումիի մարզի Վեսյոլովկա բնակավայրը. ՌԴ ՊՆ

«Հյուսիս» խմբավորման ռուս զինծառայողները վերահսկողության տակ են վերցրել Ուկրաինայի Սումիի մարզի Վեսելովկա բնակավայրը։ Այս մասին հայտնում են ՌԴ ՊՆ-ից:

Բացի այդ, Կուրսկի մարզի Գորնալ, Գուևո և Օլեշնյա բնակավայրերի շրջաններում ջախջախվել են ուկրաինական հինգ բրիգադների կազմավորումները։ Ավիացիան և հրետանին խոցել են ողջ կենդանի ուժն ու տեխնիկան նույն բնակավայրերի, ինչպես նաև Ուկրաինայի Սումիի մարզի 20 բնակավայրերի շրջանում։

Ռուսաստանի ՊՆ-ում ընդգծել են, որ ռուսական զորքերը շարունակում են ջախջախել Ուկրաինայի զինված ուժերի կազմավորումները Կուրսկի մարզի տարածքում:

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։