Մահացել է ջավախահայ մանկավարժ, պատմաբան Արտյուշ Սանոսյանը

Մարտի 25-ին կյանքի 88-րդ տարում մահացել է ջավախահայ մանկավարժ, պատմաբան Արտյուշ Սանոսյանը: 

Արտյուշ Սանոսյանը ծնվել է 1937 թ. Ջավախքում՝ Վրացական ԽՍՀ Բոգդանովկայի շրջանի Սաթխա գյուղում։ Միջնակարգ դպրոցն ավարտել է 1955 թվականին։ 1961 թվականին ավարտել է Երևանի Խաչատուր Աբովյանի անվան մանկավարժական ինստիտուտի պատմալեզվագրական ֆակուլտետը։

1961 թվականից սկսած 28 տարի Ջավախքում կատարել է մանկավարժական  աշխատանք։ Սաթխա գյուղի միջնակարգ դպրոցում աշխատել է պատմության դասատու, կազմակերպիչ, ուսմասվար և տնօրեն (Սաթխայի և Օրոջալարի միջնակարգ դպրոցներ)։

Մանկավարժական աշխատանքի հետ մեկտեղ զբաղվել է պատմագիտությամբ, հնագիտությամբ։ Բազմաթիվ հոդվածների հեղինակ է։ 1996 թվականի հոկտեմբերի 25-ին պաշտպանել է ատենախոսություն «Ախալցխայի և Ախալքալաքի գավառների 1918-ի ինքնապաշտպանությունը» թեմայով և ստացել պատմական գիտությունների թեկնածուի գիտական աստիճան։

Արտյուշ Սանոսյանն իր գիտական հետաքրքրությունների շրջանակում  հրատարակել է մի քանի գրքեր.

1.  Ախալցխայի և Ախալքալաքի գավառների 1918 թ. ինքնապաշտպանությունը, Երևան, 1992: 
2.  …նաև Սպիտակ Եղեռն, Երևան, 2001
3.  …еще и белый геноцид, 2006, Ереван, (ռուս.)
4.  Թշնամու դեմ՝ ու ուսի, 2010, Երևան, 2010

Ստորև ներկայացնում ենք « Փարվանա TV»-ի մեր գործընկերների մահախոսականը.