Տխմարը չի հասկացել՝ բնությունն ինձ ստեղծել է իր հախից գալու համար, դավաճանախումբը կպատժվի․ Ղազարյան

Հասարակական-քաղաքական գործիչ Էդգար Ղազարյանը  գրել է․

«Տխմարը չի հասկացել, որ բնությունն ինձ ստեղծել է իր հախից գալու համար, ոչ թե, որ ինքը կարողանա գա իմ հախից։ Թույլիկ վախկոտ, դավաճան։

Նման անմիտ քայլերով ու գործողություններով ոչ թե հնարավոր է ինձ լռեցնել, այլ՝ ճիշտ հակառակը։ Մենք միասնաբար հաղթելու ենք հայրենիքի գողին ու իր հանցախմբին ու ազատագրելու ենք մեր երկիրն իրենց կեղտոտ, արյունոտ, մահաբեր ճիրաններից։

Հանցախմբի դեմ պայքարը հանցախումբն արագացնում է սեփական նախաձեռնությամբ։ Այն թևակոխում է նոր փուլ, որը կավարտվի դավաճանախմբի օրինական պատժով ու պատասխանատվությամբ»։

Նշենք, որ իրավապաշտպան փաստաբան Ռուբեն Մելիքյանը տեղեկացրել էր, որ Էդգար Ղազարյանին մեղադրանք է առաջադրվել, որը ենթադրում է մինչև 5 տարվա ազատազրկում։

Ավելի վաղ հասարակական գործիչ Էդգար  Ղազարյանը հայտնել էր, որ իրեն հրավիրել են ՀՀ քննչական կոմիտե: