Նիկոլ Փաշինյանի հերթական «քաղցր պտուղները»․ Ադրբեջանը հայց է ներկայացրել՝ ընդդեմ Հայաստանի

Հայ ժողովուրդը շարունակում է քաղում Նիկոլ Փաշինյանի քաղաքականության հետևանքով առաջացած հերթական «քաղցր պտուղները»։ Ադրբեջանը հայց է ներկայացրել Հաագայի մշտական ​​արբիտրաժային դատարան՝ ընդդեմ Հայաստանի՝ պահանջելով փոխհատուցում շրջակա միջավայրին հասցված վնասի և Լեռնային Ղարաբաղի եզակի բնության ենթադրյալ ոչնչացման համար։ Այս մասին հայտնում է Ադրբեջանի ԱԳՆ-ն։

Հայտարարության համաձայն՝ հայցը ներկայացվել է փետրվարի 12-ին՝ Եվրոպայում վայրի կենդանական և բուսական աշխարհի և բնական միջավայրերի պահպանման մասին 1979 թվականի կոնվենցիայի համաձայն («Բեռնի կոնվենցիա»)։ Ադրբեջանի և Հայաստանի միջև հայցը Բեռնի կոնվենցիայի համաձայն առաջին հայտնի միջպետական ​​արբիտրաժային վարույթն է:

Ադրբեջանի ԱԳՆ հայտարարության մեջ ասվում է, որ Լեռնային Ղարաբաղի տարածքում բացահայտվել են «Հայաստանի կողմից շրջակա միջավայրի ոչնչացման սարսափելի փաստեր»։

Ադրբեջանը Հայաստանից ամբողջական փոխհատուցում է պահանջում «բնակավայրերի և վայրի բնության զանգվածային ոչնչացման համար»։