ՌԴ ԶՈւ-ն խոցել է Ուկրաինայի գազաէներգետիկ ենթակառուցվածքի օբյեկտները․ ՊՆ

ՌԴ ԶՈւ ավիացիան և հրետանին խոցել են գազա-էներգետիկ ենթակառուցվածքի կարևորագույն օբյեկտներ, որոնք ապահովում են ուկրաինական ռազմարդյունաբերական համալիրի աշխատանքը։ Այս մասին հայտնում է Ռուսաստանի պաշտպանական գերատեսչությունը։

«Օպերատիվ-մարտավարական ավիացիան, հարվածային անօդաչու թռչող սարքերը, հրթիռային զորքերն ու հրետանին խոցել են ռազմական օդանավակայանների ենթակառուցվածքները, գազաէներգետիկ ենթակառուցվածքի կարևորագույն օբյեկտները, որոնք ապահովում են ուկրաինական ռազմարդյունաբերական համալիրի աշխատանքը, ինչպես նաև հակառակորդի կենդանի ուժի և տեխնիկայի կուտակումները 144 շրջաններում»,-ասված է պաշտպանական գերատեսչության հաղորդագրության մեջ:

Հակաօդային պաշտպանության միջոցներով խոցվել է 29 ինքնաթիռային տիպի անօդաչու թռչող սարք։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։