Ռուսաստանի զինված ուժերը վերահսկողության տակ են վերցրել ԿԺԴՀ-ի Զելենովկա և Նովի Կոմար գյուղերը․ ՌԴ ՊՆ

Ռուսական զինված ուժերը վերահսկողության տակ են վերցրել Դոնեցկի Ժողովրդական Հանրապետության Զելենովկա և Նովի Կոմար գյուղերը։ Այս մասին հայտնում են Ռուսաստանի Դաշնության պաշտպանության նախարարությունից։

Բնակավայրերը հաջող հարձակողական գործողությունների արդյունքում հսկողության տակ են առել «Արևելք» զորքերի խմբավորման ստորաբաժանումները, նշել են գերատեսչությունում։ Նոր Կոմարը և Զելենովկան գտնվում են Կուրախովո քաղաքից դեպի արևմուտք։

Մեկ օր առաջ՝ դեկտեմբերի 18-ին, զորքերի «Հարավ» խմբի ստորաբաժանումները վերահսկողություն էին հաստատել ԿԺԴՀ-ի Տրուդովոյե գյուղի վրա, իսկ զորքերի «Կենտրոն» խումբը վերահսկողություն էր հաստատել ԿԺԴՀ-ի Ստարիե Տերնիի վրա:

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։