Ռուսաստանից Իսրայել թռիչքների սահմանափակումները կրկին երկարացվել են

Օդային տրանսպորտի դաշնային գործակալությունը (Ռոսավիացիա) կրկին երկարաձգել է դեպի Իսրայել ռուսական ավիաընկերությունների թռիչքների սահմանափակումները: Այս մասին հայտնել Է գերատեսչության ներկայացուցիչ Արտյոմ Կորենյակոն Telegram-ալիքում։

Գործակալության առաջարկությունների համաձայն՝ այժմ Ռուսաստանից Իսրայել չվերթներն արգելված են 01:00-ից մինչև 07:00-ն ընկած ժամանակահատվածում: Այդ միջոցառումները գործում են ընթացիկ տարվա նոյեմբերի 11-ից, այժմ դրանք երկարաձգվել են մինչեւ 2025 թվականի հունվարի 11-ը։

Կորենյակոն նշել է, որ մնացած ժամանակ չվերթներ իրականացնելու մասին որոշումը փոխադրողները պետք է ընդունեն՝ հաշվի առնելով հակամարտությունների գոտիներում եւ դրանց մերձակայքում քաղաքացիական ինքնաթիռների թռիչքների համար ռիսկի գործոնների գնահատումը: