Հայտնի է Վրաստանում նախագահական ընտրությունների օրը

Վրաստանում նախագահական ընտրությունները տեղի կունենան դեկտեմբերի 14-ին, իսկ երդմնակալության արարողությունը՝ դեկտեմբերի 29-ին, բյուրոյի նիստում հայտարարել է խորհրդարանի նախագահ Շալվա Պապուաշվիլին։

Վրաստանի օրենսդիր մարմնի ղեկավարը բյուրոյին առաջարկել է նախագահական ընտրությունների ամսաթիվը և համապատասխան բանաձեւի նախագիծը, որը կներկայացվի լիագումար նիստին։

«Այս դեպքում ես առաջարկում եմ նախագահական ընտրությունների անցկացման ժամկետի վերաբերյալ, և այն կընդգրկենք օրակարգ, այնուհետև խորհրդարանի լիագումար նիստի ժամանակ կհաստատենք, որ դա տեղի կունենա 2024 թվականի դեկտեմբերի 14-ին, երդմնակալության արարողությունը։ տեղի կունենա դեկտեմբերի 29-ին»,- ասել է Պապուաշվիլին։

Հիշեցնենք` Վրաստանի ԿԸՀ-ն նոյեմբերի 16-ին հրապարակեց հոկտեմբերի 26-ին կայացած խորհրդարանական ընտրությունների ամփոփիչ արձանագրությունը, որի համաձայն` հաղթել է իշխող «Վրացական երազանք» կուսակցությունը՝ հավաքելով ձայների 53,93 տոկոսը և խորհրդարանում ստանալով 150 մանդատներից 89-ը: Խորհրդարան են անցել նաև չորս ընդդիմադիր կուսակցություններ, բայց նրանք չեն ընդունում ընտրությունների արդյունքները ևհրաժարվում են պատգամավորական տեղերից: