Էնթոնի Բլինքենն ու Հաքան Ֆիդանը քննարկել են Հարավային Կովկասում արժանապատիվ և կայուն խաղաղության հաստատումը

ԱՄՆ պետքարտուղար Էնթոնի Բլինքենն ու Թուրքիայի արտաքին գործերի նախարար Հաքան Ֆիդանը կարևորել են Հարավային Կովկասում արժանապատիվ և կայուն խաղաղության հաստատումը։ Այս մասին հաղորդագրություն է տարածել ԱՄՆ պետքարտուղարությունը՝ ներկայացնելով Ռիո դե Ժանեյրոյում G20-ի շրջանակներում ԱՄՆ պետքարտուղար Էնթոնի Բլինքենի և Թուրքիայի արտաքին գործերի նախարար Հաքան Ֆիդանի հանդիպման մանրամասները։ 

«Պետքարտուղար Էնթոնի Բլինքենը և Թուրքիայի արտաքին գործերի նախարար Հաքան Ֆիդանը հանդիպել են Ռիո դե Ժանեյրոյում G20-ի շրջանակներում։ 

Պետքարտուղարը և արտաքին գործերի նախարարը քննարկել են Լիբանանում հակամարտության դիվանագիտական ​​կարգավորման անհրաժեշտությունը, որի շնորհիվ լիովին կկատարվի ՄԱԿ-ի Անվտանգության խորհրդի 1701 բանաձևը և թույլ կտա սահմանի երկու կողմի քաղաքացիներին վերադառնալ իրենց տները: Նրանք նաև քննարկել են Գազայում շարունակվող մարդասիրական ջանքերը և պատերազմին վերջ դնելու ու բոլոր պատանդներին ազատ արձակելու անհրաժեշտությունը: Նրանք նաև քննարկեցին Հարավային Կովկասում արժանապատիվ և կայուն խաղաղության կարևորությունը»,- ասված է հաղորդագրության մեջ։