«Գոյ» թատրոնը կվերսկսի գործունեությունը

«Գոյ» թատրոնը նոյեմբերի 4-ից կվերսկսի իր գործունեությունը նույն տարածում, որտեղ տարիներ շարունակ գործել է։

«Արդարադատության Նախարարությունը փաստեց, որ 9 ամիս  շարունակ  ապօրինաբար  դադարեցվել  է «Գոյ» Թատրոնի գործունեությունը:

Այդ պատճառով  նոյեմբերի 4-ին՝ ժամը 11:00-ից, «Գոյ» թատրոնը կվերսկսի իր բնականոն  աշխատանքը մինչ այդ գործով դատարանի վերջնական վճիռը:

Լիահույս ենք, որ Գ. Սունդուկյանի անվան ազգային ակադեմիական թատրոնի տնօրենը չի խոչընդոտի  և  կենթարկվի  օրինական  պահանջին»,- նշված է «Գոյ» թատրոնի տարածած հայտարարության մեջ։

Հիշեցնենք՝  կառավարության որոշմամբ «Գոյ» թատրոնը միավորվել է Գ. Սունդուկյանի անվան ազգային ակադեմիական թատրոնին, սակայն «Գոյ» թատրոնի դերասանական ու ստեղծագործական կազմը դեմ է այդ միավորմանը, իրենք ուզում են որպես առանձին թատրոն հանդես գալ։ Միավորման վերաբերյալ կառավարության որոշումը վիճարկում են դատարանում։