Վրաստանում 2 մարդ է ձերբակալվել ընտրությունների ժամանակ քվեատուփը լցոնելու համար

Վրաստանի ՆԳՆ-ն Մառնեուլիի շրջանում խորհրդարանական ընտրությունների ժամանակ քվեաթերթիկները քվեատուփի մեջ լցնելու համար մեղադրել է երկու անձի։ Ձերբակալվածներին սպառնում է մինչև երկու տարվա ազատազրկում, հայտնում է publika.ge կայքը։

«Հետաքննությունը պարզել է, որ Վրաստանի խորհրդարանական ընտրությունների ժամանակ Մառնեուլիի մունիցիպալիտետի Սադհուլի գյուղի թիվ 69 ընտրատեղամասում մեղադրյալը, խախտելով օրենքը, քվեաթերթիկներ է լցրել քվեատուփի մեջ», - ասվում է ՆԳՆ հաղորդագրության մեջ։

Նշված փաստով Մառնեուլիի շրջանային ընտրական հանձնաժողովի որոշմամբ թիվ 69 ընտրական տեղամասում քվեարկությունը դադարեցվել է և քվեարկության արդյունքներն անվավեր են ճանաչվել։