Փոխարժեքներ
08 09 2024
|
||
---|---|---|
USD | ⚊ | $ 387.09 |
EUR | ⚊ | € 429.94 |
RUB | ⚊ | ₽ 4.32 |
GBP | ⚊ | £ 509.68 |
GEL | ⚊ | ₾ 143.79 |
Նախագահ Վլադիմիր Պուտինը Կրեմլում հանդիպել է այցով Ռուսաստան ժամանած Սիրիայի նախագահ Բաշար ալ-Ասադի հետ։ Այս մասին հաղորդում է interfax.ru-ն։
Երկու ղեկավարների հանդիպումը կայացել է հուլիսի 24-ի երեկոյան։
Բանակցությունների սկզբում Ասադը հայտարարեց, որ մտադիր է Պուտինի հետ Կրեմլում քննարկել աշխարհում և Եվրասիական տարածաշրջանում իրադարձությունների զարգացման հնարավոր հեռանկարներն ու սցենարները։
«Հաշվի առնելով բոլոր այն իրադարձությունները, որոնք այսօր տեղի են ունենում ամբողջ աշխարհում և Եվրասիական տարածաշրջանում, մեր այսօրվա հանդիպումը շատ կարևոր է այդ իրադարձությունների զարգացման բոլոր հնարավոր հեռանկարներն ու սցենարները մանրամասն քննարկելու համար», - ասել է նա:
Սիրիայի նախագահի խոսքով ՝ իր այցը Ռուսաստան համընկնում է երկրների միջև դիվանագիտական հարաբերությունների հաստատման հոբելյանի հետ, որոնք տասնամյակների ընթացքում «շատ բարդ փորձություններ են անցել»:
«Եվ, իհարկե, այս տասնամյակները մեր երկրների ներսում բարդ տրանսֆորմացիոն գործընթացների ականատեսն են դարձել։ Սակայն այս բոլոր տասնամյակների ընթացքում մեր երկրների հարաբերությունները պահպանել են իրենց վստահության մակարդակը, և դա մեր ժողովուրդների հասունության ցուցանիշն է»,- ընդգծել է Ասադը։
Վերջին անգամ Ասադը Ռուսաստան էր եկել 2023 թվականի մարտին։