Ահաբեկիչները հանցագործությունը կատարելուց հետո պետք է գնային Կիեւ՝ խոստացված գումարը ստանալու. ՌԴ ՔԿ

ՌԴ ՔԿ-ն շարունակում է Կրասնոգորսկի ահաբեկչության վերաբերյալ քրեական գործի հետաքննությունը։

Ինչպես ավելի վաղ տեղեկացրել էինք, քրեական պատասխանատվության է ենթարկվել կազմակերպված խմբի 9-րդ մասնակիցը։

Քննիչները շարունակում են համակարգված աշխատանքը մեղադրյալների մեղավորության ապացույցների հավաքման և ամրագրման, նրանց հանցակիցներին և ահաբեկչական ակտի կազմակերպիչներին պարզելու ուղղությամբ:

Ահաբեկչության կատարման մեջ մեղադրվողները նախնական ցուցմունքներում, հետագա հարցաքննությունների եւ նրանց մասնակցությամբ քննչական այլ միջոցառումների ընթացքում հայտնել են, որ իրենց գործողությունները, ինչպես նախապատրաստման փուլում, այնպես էլ «Կրոկուս Սիթի Հոլում» զինված հարձակումից հետո, «Տելեգրամ» մեսենջերի միջոցով ձայնային հաղորդագրությունների միջոցով համակարգել է մի տղամարդ, որը նրանց ներկայացել է կեղծանվամբ:

Համակարգողի ցուցումով ահաբեկիչները հանցագործությունն իրականացնելուց հետո մեքենայով ուղևորվել են դեպի ռուս-ուկրաինական սահման՝ հետագայում այն հատելու և Կիև ժամանելու համար՝ իրենց խոստացած վարձատրությունը ստանալու համար: