«Կրոկուսի Սիթի Հոլ»-ի ահաբեկչության հետևանքով տուժածների թիվը հասել է 360-ի

Մերձմոսկովյան «Կրոկուսի Սիթի Հոլ»-ում տեղի ունեցած ահաբեկչության հետևանքով տուժածների թիվը հասել է 360-ի։ Այս մասին ТАСС-ին հայտնել են Աղետների բժշկության կենտրոնից։

Հիշեցնենք, որ մարտի 22-ի երեկոյան մի խումբ զինված տղամարդիկ ինքնաձիգներից կրակ են բացել Մոսկվայի «Կրոկուսի Սիթի Հոլ»-ում, ինչից հետո տեղում պայթյուն է տեղի ունեցել և հրդեհ է բռնկվել: Հաղորդվում է առնվազն 137 զոհի մասին: ՌԴ ԱԴԾ-ն հայտարարել է, որ մարդկանց վրա կրակած ահաբեկիչները ձերբակալվել են Ռուսաստանի Դաշնության Բրյանսկի շրջանում՝ Ուկրաինայի հետ սահմանի մոտ, և որ նրանք ուղևորվում էին Ուկրաինա, քանի որ «այնտեղ կապեր ունեն»։ ՌԴ նախագահ Վլադիմիր Պուտինի խոսքով՝ ահաբեկչության համար կասկածվողների համար «պատուհան էր պատրաստվել Ուկրաինայի հետ սահմանը հատելու համար»։