Հայաստանն ու Թուրքիան հերթական հանդիպման որոշում են ընդունել. Սերդար Քըլըչ

Թուրքիան և Հայաստանը որոշել են հաջորդ հանդիպումն անցկացնել հարաբերությունների կարգավորման շուրջ, ամսաթիվը և վայրը կհամաձայնեցվեն։ РИА Новости-ին այս մասին ասել է Հայաստանի և Թուրքիայի միջև հարաբերությունների կարգավորման գործընթացի հատուկ ներկայացուցիչ, դեսպան Սերդար Քըլըչը։

«Կլինի հանդիպում։ Մենք որոշում ենք կայացրել։ Հանդիպման վայրի մասով դեռ կորոշենք»,- ասել է Քըլըչը։

Ինչ վերաբերում է երրորդ երկրների քաղաքացիների համար հայ-թուրքական սահմանի բացմանը` ըստ դեսպանի` այդ հարցում դեռ առաջընթաց չկա, Անկարան և Երևանն աշխատում են այդ ուղղությամբ։

Հիշեցնենք, որ երեկ` մարտի 1-ին, Քըլըչը ՀՀ ԱԺ փոխնախագահ, հայ-թուրքական հարաբերությունների կարգավորման հարցերով հատուկ ներկայացուցիչ Ռուբեն Ռուբինյանին առաջարկել էր հաջորդ շաբաթ հանդիպել Երևանում։