Էս շինծու դատարկ գործը դատարանում ներկայացնող դատախազին պարզապես խղճում եմ․ Լևոն Քոչարյան

ՀՀ ԱԺ «Հայաստան» խմբակցության պատգամավոր Լևոն Քոչարյանը տելեգրամյան իր ալիքում գրում է․

««Գործն» ուղղարկվեց դատարան:

Դատական նիստերը կլինեն դռնբաց: Էս շինծու, դատարկ գործը դատարանում ներկայացնող դատախազին պարզապես խղճում եմ:

Շնորհակալ եմ բոլորին աջակցության և չդադարող նամակների ու զանգերի համար»: 

Հիշեցնենք, որ Լևոն Քոչարյանի գործով մեղադրանք առաջադրվեց նաև՝ Սերգեյ Ասատուրովին։ Գործով հայտնվեց նախաքննության ավարտ և ուղարկվում է դատարան։ Այս մասին գրել է փաստաբան Էրիկ Ալեքսանյանը:

Ըստ փաստաբան Ալեքսանդր Կոչուբաևի՝ Սերգեյ Ասատուրովի նկատմամբ կիրառվեց բացակայելու արգելք խափանման միջոցը:

Ավելի վաղ ՀՀ ԱԺ պատգմավոր Լևոն Քոչարյանը գրել էր, որ հրավիրվել են Քննչական կոմիտե:

«Ինձ և Ասատուրով Սերգեյին կանչել են քննչական կոմիտե, սեպտեմբերի 22-ից իմ դեմ սկսված քաղաքական հետապնդման գործով: Որոշ ժամանակ անց պարզ կլինի, թե ինչ «անակնկալ» են պատրաստել»,- տելեգրամում գրել էր նա: