Հումանիտար օժանդակություն ՌԴ-ից՝ 500 արցախցի ընտանիքին

Ռուսաստանի Դաշնության Ազգամիջյան, միջկրոնական, միջմշակութային և միջպետական հաղորդակցությունների ոլորտում հետազոտությունների և նախագծերի զարգացման ազգային ինստիտուտը (НИИРК) հայաստանյան «Հաղորդակցության զարգացման միջազգային ինստիտուտ» հումանիտար հիմնադրամին (МИР) անհատույց նվիրաբերել է հումանիտար օգնություն՝ օժանդակելու արցախցիներին։

500 երեխայի համար նախատեսված հագուստը, քաղցրեղեններն ու հիգիենայի պարագաները նոյեմբերի 3-ից մինչև 5-ը տեղեկան ադմինիստրացիայի ներկայացուցիչների միջոցով կբաժանվեն Գեղարքունիքի մարզի Սևան, Գավառ և Վայոց ձորի մարզի Արենի քաղաքներում։

Նշենք, որ այս քաղաքներում գտնվում են МИР հիմնադրամի ռուսաց լեզվի և մշակույթի ուսումնասիրման կենտրոնները, որոնք բացվել են բոլորովին վերջերս։ Կենտրոնները գործում են անվճար սկզբունքով։ Իսկ Գեղարքունիքի և Վայոց ձորի մարզերում բնակություն հաստատած արցախցի երեխաները նույն հիմունքներով հնարավորություն կունենան անվճար սովորելու МИР կենտրոններում։