Էրդողանը երկու լարի վրա է խաղում

Գազայի հատվածում իսրայելական ցամաքային հարձակումների ընդլայնման ֆոնին Էրդողանը սկսել է իրեն բնորոշ քաղաքականություն վարել՝ խառնելով ողջ տարածաշրջանը։

Հաշվի առնելով, որ թուրք հասարակությունը բողոքի ակցիաներ է անում, դատապարտում Իսրայելին ու կոչ անում զորք ուղարկել Գազա՝ իսրայելական բանակի դեմ մարտնչելու համար, Էրդողանը շտապեց հանրահավաք անցկացնել ու բորբոքված հասարակությանը համոզել, թե դատապարտում է Իսրայելի քայլերն ու աջակցում պաղեստինցիներին:  Հանրահավաքն էլ անվանեց «Մեծ Պաղեստին»։

Թուրքիայի բռնապետը հայտարարեց, թե  ՀԱՄԱՍ-ն ահաբեկչական խմբավորում չէ, այլ մոջահեդների՝ Սրբազան Ջիհադի մասնակիցների եւ ազատագրողների խմբավորում, որը պայքարում է հանուն սեփական երկրի եւ սեփական ժողովրդի։

Մինչդեռ իրականությունն այլ է․ Էրդողանը խոսքով աջակցում է Պաղեստինին, սակայն նյութական աջակցությունը՝ արջի բաժինը հասնում է Իսրայելին։

Օրերս Թուրքիայի ընդդիմադիր պատգամավորներից մեկը հայտարարել էր, որ Թուրքիան հեշտությամբ վիզա է տրամադրում Իսրայելի քաղաքացիներին, իսկ պաղեստինցիներին՝ ոչ։ Թուրքիան Իսրայելին է մատակարարում ցեմենտ և երկաթ, որով էլ իսրայելցիները ամրացնում են Գազայի սահմանային հատվածը։

Թուրք լրագրող Էրքան Թրուքթենը հրապարակել է նավերի ամբողջական ցանկը, որոնք Թուրքիայից գնում են դեպի Իսրայել ու տարբեր տեսակի օգնություն ուղարկում իսրայելական ռեժիմին։ Թե՛ Էրդողանի կազմակերպած հանրահավաքի օրը և թե՛ հաջորդ երկու օրերին, Էրդողանը բազմամիլիարդանոց առևտուր է արել Իսրայելի հետ։

Ռեջեփ Էրդողանը իրեն կարգելով տարածաշրջանի խաղաղարարի դերը, իր կեղտոտ ոճին համապատասխան է գործում ՝ հայտարարում է մի բան, անում մեկ ուրիշը։ 

Թուրքիայից Իսրայել ուղարկված նավերի տեղաշարժի մասին լուսանկարները ստորև՝

Անի Նահապետյան