Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
3094 դիտում, 1 տարի առաջ - 2023-10-02 10:14
Քաղաքական

Վրաստանում հոկտեմբերի 1-ին կայացավ երթ՝ հաջակցություն Արցախի

Վրաստանում հոկտեմբերի 1-ին կայացավ երթ՝ հաջակցություն Արցախի։ Այս մասին տեղեկանում ենք Վրաստանի Հայ Համայնք կազմակերպության ֆեյսբուքյան էջից։

Երթը Վակեյի այգու մուտքի մոտից շարժվեց դեպի Եվրոմիության ներկայացուցչության գրասենյակ և ապա` Վրաստանում ՄԱԿ-ի գրասենյակ։

Երկու գրասենյակների դիմաց ցուցարարները դատապարտում էին, որ իրենց հայտարարություններով Ադրբեջանը, ցեղասպանական քաղաքականություն վարելով Արցախի նկատմամբ, մնաց անպատասխան և ոչ միայն պետք է կոչերով դիմեին, այլ ուրիշ պատժամիջոցներ կիրառեին։

ՄԱԿ-ի գրասենյակի դիմաց միասնության կոչով ելույթ ունեցավ Վիրահայոց թեմի, Թբիլիսիի Սբ. Էջմիածին եկեղեցու հոգևոր սպասավոր Տեր Կիրակոս քահանա Սիմոնյանը, նաև իր խոսքով ելույթ ունեցավ Վրաստանի Հայ Համայնք ՀԿ-ի նախագահ Արթուր Միրզոյանը, դատապարտելով Վրաստանի իշխանությունների լռությունը 9 ամսվա շրջափակման և վերջին պատերազմի իրադարձությունների մասին և նշեց, որ եթե Թուրքիան և Ադրբեջանը «մարսեցին» Արցախը, ապա մեծ Թուրանի գաղափարը ստեղծելու է ավելի լուրջ խնդիրներ այս տարածաշրջանում, որն անրադառնալու է և Հայաստանին և Վրաստանին։

Ցույցը ավարտվեց ՄԱԿ-ի գրասենյակի դիմաց «Գինի լից» երգով։

Մինչ այդ Թբիլիսիի Հայ Առաքելական եկեղեցիներում կատարվել է Արցախի համար աղոթքի հատուկ կարգ։

Ֆոտոշարք
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը