կարևոր
6739 դիտում, 9 ամիս առաջ - 2023-08-17 15:40
Աշխարհ

Իրանի արտգործնախարարն այցով Սաուդյան Արաբիա է մեկնել

Իրանի արտգործնախարարն այցով Սաուդյան Արաբիա է մեկնել

Իրանի արտաքին գործերի նախարար Հոսեյն Ամիր Աբդոլլահյանը հինգշաբթի պաշտոնական այցով ժամանել է Էր Ռիադ, հաղորդում է Tasnim-ը։

Նա Սաուդյան Արաբիա է մեկնել իր սաուդցի գործընկեր Ֆեյսալ բեն Ֆարհան Ալ Սաուդի պաշտոնական հրավերով։

Իրանի արտգործնախարարը մտադիր է Սաուդյան Արաբիա այցի ընթացքում քննարկել հարցերի լայն շրջանակ, ներառյալ Թեհրանի և Էր-Ռիադի հարաբերությունները, մահմեդական աշխարհին առնչվող փոխադարձ հետաքրքրություն ներկայացնող հարցեր, ինչպես նաև տարածաշրջանային և միջազգային զարգացումներ։

Ավելի վաղ հայտնի էր դարձել, որ Թեհրանում Սաուդյան Արաբիայի դեսպանատունը և Մաշհադում նրա գլխավոր հյուպատոսությունը պաշտոնապես վերսկսել են իրենց գործունեությունը։

Սաուդյան Արաբիայի գործերի ժամանակավոր հավատարմատարը Թեհրան է ժամանել մի քանի շաբաթ առաջ, և մոտ ապագայում սպասվում է, որ Սաուդյան Արաբիայում Իրանի դեսպանատան նոր հավատարմատարը կմեկնի Ռիադ։