Մի քանի հազար բրիտանացի ռենտգենոլոգներ և ռադիոլոգներ գործադուլ են սկսել

Մի քանի հազար բրիտանացի ռենտգենոլոգներ և ռադիոլոգներ երեքշաբթի երկօրյա գործադուլ են սկսել իրենց աշխատավարձը բարձրացնելու պահանջով։ Ավելի վաղ նրանց միավորող արհմիությունը մերժել էր բժշկական աշխատողների աշխատավարձը 5%-ով բարձրացնելու կառավարության առաջարկը։

Ինչպես տեղեկացվում է արհմիության կայքում, գործադուլին մասնակցում են Առողջապահության ազգային համակարգի (ԱԱՀ) 37 տրեստի աշխատակիցներ, որոնք ներկայացնում են Անգլիայի մոտ հարյուր հիվանդանոց, ներառյալ՝ Լոնդոնի, Լիվերպուլի և Բրիստոլի խոշորագույն հիվանդանոցները։

Բրիտանիայի բժիշկները, ներառյալ շտապօգնության աշխատակիցները և բժիշկ-ինտերնները, գործադուլներ են անում վերջին տարվա  ողջ ընթացքում՝ արժեզրկման ռեկորդային բարձր մակարդակի պայմաններում  աշխատավարձի բարձրացում և աշխատանքային պայմանների բարելավում պահանջելով։ Արդյունքում   պլանային բժշկական ծառայություններ ստանալու հերթը Բրիտանիայում հասել է ռեկորդային ցուցանիշի։ Հուլիսի 13-ին հրապարակված վիճակագրությամբ, իր  հերթին  է սպասում գրեթե 7,5 մլն մարդ։