Նոյեմբերյանի, Բերդի, Իջևանի սահմանամերձ գյուղերից արտագաղթը նոր թափ է առնելու․ Ոսկան Սարգսյան

Նիկոլ Փաշինյանը հայտարարել է, որ ինքը պատրաստ է ճանաչել Ադրբեջանի տարածքային ամբողջականությյունը 86600 քառակուսի կիլոմետորվ, որը ներառում է Արցախը, Տավուշի 6 գյուղերի տարածքները, Տիգրանաշենը։

Տավուշից նախկինում ադրբեջանաբնակ 6 գյուղերի տարածքների հանձնումով խաթարվելու է միջպետական ավտոճանապարհով կապը Վրաստանի հետ, Իջևան-Բերդ հաղորդակցությունը, Նոյեմբերյան-Իջևան կապը, Նոյեմբերյանի, Բերդի, Իջևանի սահմանամերձ գյուղերից արտագաղթը նոր թափ է առնելու, այդ գյուղերը դատարկվելու են։ 2020 թվականի պատերազմից հետո շարունակ այս պարզ իրողությունները բացատրել եմ Տավուշի բնակչությանը, սակայն սահմանագոտու բնակիչները հավատալով հանրային կոչված իշխանամետ հեռուստաընկերության և հայտնի ռադիոկայանի քարոզչությանը, բացարձակ մեծամասնությամբ 2021թվականի հունիսի 20-ին ընտրեցին ամբողջ պատերազմի ժամանակ իրենց խաբած Նիկոլ Փաշինյանի ՔՊ-ին։

Հիմա կասեք՝ ո՞ւմ ընտրեին։ Ասեմ՝ եթե ոչ մեկին չէին հավանում, չգնային ընտրության։ Հիմա իրենք մեղավոր չե՞ն իրենց կատարած ընտրության ծանր հետևանքների համար։

Ոսկան Սարգսյան

Լրագրող