28 04 2024
|
||
---|---|---|
EUR | ⚊ | 416.29 |
GBP | ⚊ | 485.57 |
GEL | ⚊ | 145.08 |
RUB | ⚊ | 4.22 |
USD | ⚊ | 388.08 |
Երեկ Սոթքում վիրավորում ստացած զինծառայողին բուժգնություն տրամադրելու ընթացքում վիրավորում ստացած բուժակը դուրս է գրվել հոսպիտալից, ստանում է ամբուլատոր բուժում։ Այս մասին հայտնում են ՀՀ ՊՆ-ից։
Հիշեցնենք, որ երեկ՝ մայիսի 17-ին՝ ժամը 16:15-ի սահմաններում, Ադրբեջանի ԶՈՒ ստորաբաժանումները կրակ են բացել Սոթքի ուղղությամբ տեղակայված հայկական դիրքի ուղղությամբ, ինչի հետևանքով վիրավորում է ստացել ՀՀ ՊՆ զինծառայող: Այնուհետև Ադրբեջանի ԶՈՒ ստորաբաժանումները կրակ են բացել վիրավոր զինծառայողին տեղափոխող շտապօգնության մեքենայի ուղղությամբ: Շտապօգնության մեքենայի ուղղությամբ հակառակորդի բացած կրակից վիրավորում է ստացել նաեւ բուժակը: Հոսպիտալ տեղափոխվելու ճանապարհին վիրավորում ստացած զինծառայողը զոհվել է։