կարևոր
4408 դիտում, 1 տարի առաջ - 2023-03-31 19:35
Հասարակություն

Որպես վկա պնդում եմ, որ Մհեր Սահակյանը հարվածել է ձեռքով. Գեղամ Նազարյան

Որպես վկա պնդում եմ, որ Մհեր Սահակյանը հարվածել է ձեռքով. Գեղամ Նազարյան

Այսօր` 2023թ. մարտի 31_ին, ժամը 18.00_ի սահմաններում ՀՀ քննչական կոմիտեն անդրադառնալով այսօր Ազգային ժողովի թիվ 314 սենյակում տեղի ունեցած միջադեպին հայտարարել է, թե հարցաքննվել են դեպքին մասնակից մի շարք անձինք եւ նույն հայտարարությունում, հաստատական տոնով պնդում, թե իբր Մհեր Սահակյանը Վլադիմիր Վարդանյանին հարվածել է ինչ որ առարկայով։

Մինչ այս պահը` 19։15 ին ես, որպես դեպքի ականատես դեռ չեմ հարցաքննվել, իսկ ինչ վերաբերում է ինչ որ առարկայով հարվածելելուն, ապա պնդում եմ, որ Մհեր Սահակյանի ձեռքին որեւէ առարկա չի եղել եւ նա որեւէ առարկայով չի հարվածել։

Ավելին, Մհեր Սահակյանը հարվածել է այն պահին, երբ Վլադիմիր Վարդանյանը գորգոռալով մոտեցել է Մհեր Սահակյանին։

Մնացածի մասին քիչ ավելի ուշ։

Գեղամ Նազարյան

ՀՀ ԱԺ «Հայաստան» խմբակցության պատգամավոր