Թուրքիայում մեկնարկել է նախընտրական քարոզարշավը

Թուրքիայում շաբաթ օրը` մարտի 18-ին մեկնարկում է նախագահական և խորհրդարանական ընտրությունների նախընտրական քարոզարշավը։

Այն կտևի մինչև մայիսի 13-ը, երբ կհայտարարվի «լռության օր»։ Բուն քվեարկությունը տեղի կունենա մայիսի 14-ին, իսկ նախագահական ընտրությունների երկրորդ փուլը, անհրաժեշտության դեպքում, կարող է անցկացվել մայիսի 28-ին։
Թուրքիայի ԿԸՀ որոշմամբ՝ նախագահի թեկնածուների առաջադրումը կսկսվի մարտի 19-ին և կավարտվի մարտի 23-ին տեղական ժամանակով ժամը 17:00-ին, մարտի 31-ին թեկնածուների ցուցակը կհրապարակվի կառավարության տեղեկագրում։

Քաղաքական կուսակցությունները կամ միավորումները, որոնք կմասնակցեն ընտրություններին, մինչև մարտի 24-ի օրվա ավարտը ԿԸՀ պետք է ներկայացնեն իրենց թեկնածուների ցուցակները։

Հիշեցնենք, որ Թուրքիայի գործող նախագահ Ռեջեփ Թայիփ Էրդողանը մարտի 10-ին ընտրություններ անցկացնելու մասին հրամանագիր է ստորագրել։ Դրանք ի սկզբանե նախատեսված էին հունիսի 18-ին: