կարևոր
3589 դիտում, 1 տարի առաջ - 2023-01-06 11:03
Հասարակություն

Սուրբ Ծննդյան հայրապետական պատարագ է

Սուրբ Ծննդյան հայրապետական պատարագ է

Երևանի Սբ. Գրիգոր Լուսավորիչ մայր եկեղեցում Սուրբ Ծննդյան հայրապետական պատարագ է։ Պատարգիչն է Ամենայն Հայոց Կաթողիկոս Գարեգին Երկրորդը։ 

Հունվարի 6-ին Հայ Առաքելական եկեղեցին նշում է Հիսուս Քրիստոսի Սուրբ Ծննդյան ու Աստվածահայտնության տոնը, որը  Հիսուսի  Սուրբ Ծննդյան և մկրտության հիշատակումն է: Աստված մարդացավ և հայտնվեց մարդկանց: Քրիստոսի մկրտության ժամանակ Հայր Աստված վկայում է. «Դա է իմ սիրելի Որդին, որն ունի իմ ամբողջ բարեհաճությունը» (Մատթ. 3:17, Մարկ. 1:11, Ղուկ. 3:22) և Սուրբ Հոգին աղավնակերպ իջնում է Քրիստոսի վրա: Տեղի է ունենում երկրորդ աստվածահայտնությունը: Այսպիսով, Քրիստոսի Ծննդյան և Մկրտության միջոցով հաստատված երկու աստվածահայտնությունները եկեղեցում տոնում են միասին` հունվարի 6-ին «Հայտնություն» կամ «Աստվածահայտնություն» ընդհանուր անվամբ: