|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունի այցելեց արտաքին գործոց նախարարի պաշտօնակատար Ապտալլա Պու Հապիպի:
Հանդիպումի ընթացքին քննարկումի նիւթ դարձան արտաքին գործոց նախարարի պաշտօնակատարին արտասահման այցելութիւնները եւ արծարծուած հարցերը, ինչպէս նաեւ շրջանային հարցերը:
Նախարարի պաշտօնակատար Պու Հապիպի ուշադրութեան յանձնուեցաւ Ազրպէյճանի կողմէ Լաչինի անցքի փակումի ու անոր ունեցած վատ անդրադարձը Արցախի հայութեան վրայ:
Երեսփոխան Բագրատունի նախարարի պաշտօնակատարին հետ քննարկեց Ազրպէյճանի կողմէ գերեվարուած Վիգէն Իւլճեքեանի խնդիրը` պահանջելով, որ նախարարութիւնը արագ եւ անմիջական միջամտութիւն կատարէ թրքական եւ ազրպէյճանական կառավարութեանց մօտ` ապահովելու համար անոր ազատ արձակումը: