Մակրոնն աջակցում է Հայաստանի և Ադրբեջանի միջև ուղիղ կապերի հաստատմանը

Ֆրանսիայի նախագահ Էմանուել Մակրոնը վերահաստատել է Ֆրանսիայի անսասան հանձնառությունը խաղաղ համաձայնագրի բանակցություններին և Ադրբեջանի ու Հայաստանի միջև հարաբերությունների կարգավորմանը։ Այս մասին ասվում է Մակրոնի շնորհավորական նամակում՝ ուղղված Իլհամ Ալիեւին մայիսի 28-ի՝ Անկախության օրվա կապակցությամբ։

«Վստահ եղեք, որ ես սատարում եմ վերջին ամիսներին ի հայտ եկած դրական դինամիկային և ձեռք բերված արդյունքներին թե՛ արտգործնախարարների մակարդակով Ադրբեջանի և Հայաստանի միջև ուղիղ կապերի հաստատման, թե՛ սահմանային հարցերով երկկողմ հանձնաժողովի ստեղծման գործում։ Վստահության մթնոլորտի ստեղծումը կարևոր է տարածաշրջանում խաղաղության համար»,- նշել է Մակրոնը։