ՏԵՍԱՆՅՈՒԹ․ Պաշտպանության նախարար են նշանակել մեկին, որը դանակահարել է իր հրամանատարին. դրա համար ենք այս օրին․ Աշոտ Մինասյան

«Ամոթ մեզ, այսօրվա իրավիճակը՝ ինչ կատարվում է Հայաստանում, յուրաքանչյուր մարդու համար ողբերգություն է, որի սկիզբը դրվել է 4 տարի առաջ։ Այսօրվա իշխանությունը, ենիչերիների ոհմակը, որոնք կարողացել են ասպարեզ բերել մարդկանց, որոնք հերոսներին փորձում են նսեմացնել։ Ո՞վ է այն մայորը, ով կարողացել է հարվածել արցախյան երեք պատերազմների հրամանատարին։ Արայիկ Մուրադյանն իմ զինակից ընկերն է, նա երկու պատերազմ անցել է իր որդիների հետ, մեկ պատերազմ՝ եղբոր։ Այսօր այստեղ գտնվելով հանդերձ՝ նույնպես պայքարում է իր ազգի փրկության համար։ Ով է ոստիկանության այն ստախոս ներկայացուցիչը, որը սուտ ցուցմունք է տվել Խաչատուրովի ընտանիքի դեմ, և դրա հիման վրա այսօր բանտում է գտնվում Իգոր Խաչատուրովը։  Սա նույնն է, ինչ Մխիթար սպարապետի գլուխը կտրածին բերեին ու նշանակեին սպարապետ, որովհետև ամիսներ առաջ պաշտպանության նախարար նշանակեցին այն մարդուն, ով դանակահարել է  իր հրամանատարին։ Դրա համար երկրի վիճակը պետք է այսպիսին լիներ»,- հայտարարեց Աշոտ Մինասյանը։