ՆԱՏՕ-ն աջակցում է Բաքվի և Երևանի միջև հարաբերությունների կարգավորմանը

ՆԱՏՕ-ն աջակցում է ադրբեջանա-հայկական հարաբերությունների կարգավորմանը. հայտարարել է Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինան Ադրբեջանի ԱԳ նախարար Ջեյհուն Բայրամովի հետ հանդիպման ժամանակ։

Կողմերը մտքեր են փոխանակել նաև Ադրբեջանի և ՆԱՏՕ-ի միջև փոխշահավետ համագործակցության շուրջ։

Բայրամովն ասել է, որ Ադրբեջանը շարունակում է իր գործընկերությունը ՆԱՏՕ-ի հետ՝ փոխադարձ շահերի և իրավահավասարության հիման վրա՝ մասնավորապես անդրադառնալով Դաշինքի խաղաղապահ գործողություններին իրենց երկրի մասնակցության փորձին։

Բայրամովը խոսել է նաև տարածաշրջանում տիրող իրավիճակի, մասնավորապես՝ Ադրբեջանի և Հայաստանի միջև հարաբերությունների կարգավորման, խաղաղության համաձայնագրի նախապատրաստման, սահմանների սահմանազատման և բոլոր հաղորդակցությունների բացման ուղղությամբ ձեռնարկվող քայլերի մասին։

Խավիեր Կոլոմինան նշել է, որ ՆԱՏՕ-ն աջակցում է Ադրբեջանի և Հայաստանի միջև հարաբերությունների կարգավորման գործընթացին։