Այս պահին Երևանում sett-weather
Փոխարժեքներ 29 10 2025
USD ⚊ $ 382.78
EUR ⚊ € 446.44
RUB ⚊ ₽ 4.7824
GBP ⚊ £ 509.98
GEL ⚊ ₾ 140.95
կարևոր
0 դիտում, 3 տարի առաջ - 2022-04-28 12:44
Հասարակություն

Աշխատավայրում 7 օրը մեկ ՊՇՌ թեստի, պատվաստման սերտիֆիկատ այլևս չի պահանջվի․ Անահիտ Ավանեսյան

Աշխատավայրում 7 օրը մեկ ՊՇՌ թեստի, պատվաստման սերտիֆիկատ այլևս չի պահանջվի․ Անահիտ Ավանեսյան

Աշխատանքի վայրում 7 օրը մեկ ՊՇՌ հետազոտության թեստ կամ կորոնավիրուսի դեմ պատվաստման սերտիֆիկատ ներկայացնելու պահանջը հանվել է: Այս մասին կառավարության նիստում ասաց ՀՀ առողջապահության նախարար Անահիտ Ավանեսյանը:

Նա նշեց, որ մայիսի 1-ից հանվելու է նաև պետական սահմանին` ցամաքային, և օդանավակայաններում տեղադրված անցակետերում մուտք գործելիս ՊՇՌ արագ ախտորոշման թեստի և պատվաստման սերտիֆիկատ ներկայացնելու պահանջը:
 
«Հանվել են քրեակատարողական հիմնարկներում և զինված ուժերում սահմանափակումները արձակուրդ մեկնելիս կամ տեսակցությունների ժամանակ: Տվյալ դեպքերում նույնպես այլևս թեստ հանձնելու կամ պատվաստման սերտիֆիկատ ներկայացնելու պահանջ չի գործի»,- ասաց նախարարը՝ հավելելով, որ վերացվել է դպրոցներում, մանկապարտեզներում և այլ վայրերում միջոցառումների ժամանակ 1.5 մետր հեռավորություն պահպանելու արգելքը:

Ավանեսյանի խոսքով՝ սահմանափակումների մեղմացումը կապված  է վերջին 14 օրվա ընթացքում արձանագրված դեպքերի քիչ լինելու հետ:

«Վերջին 14 օրվա ընթացքում գրանցվել է 144 դեպք, ինչը, նախորդ տարվա նույն ժամանակահատվածի նկատմամբ,  32 տոկոսով նվազել է: Վերջին ամսվա ընթացքում մահվան դեպքերը ևս նվազել են»,-նշեց նա՝ շնորհակալություն հայտնելով բուժաշխատողներին կատարած աշխատանքի համար:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը