Ռուսաստանցիների 74%-ն աջակցում է Ուկրաինայում հատուկ գործողությանը. հարցում

Հասարակական կարծիքի ուսումնասիրման համառուսաստանյան կենտրոնի (ВЦИОМ) հարցման արդյունքները ցույց են տալիս, որ ռուսաստանցիների 74%-ը կողմ է Ուկրաինայում հատուկ ռազմական գործողություն իրականացնելու որոշմանը։

«Ապրիլի 5-ի տվյալներով՝ քաղաքացիների 78%-ը հավանություն է տալիս Ռուսաստանի նախագահի գործունեությանը, 13%-ը հավանություն չի տալիս։ Ռուսաստանցիների 74%-ը պաշտպանում է հատուկ ռազմական գործողություն անցկացնելու որոշումը (ապրիլի 6-ին), 17%-ը չի աջակցում, յուրաքանչյուր տասներորդը դժվարացել է պատասխանել (9%)»,- ասվում է հաղորդագրությունում։

Միաժամանակ, մարտի 31-ի դրությամբ ռուսական բանակին վստահություն է հայտնել հարցվածների 89%-ը, անվստահություն՝ 8%-ը։

«Լրատվամիջոցներում, ինտերնետում և սոցիալական ցանցերում ռուսաստանցիների 57%-ը նույնպես ավելի հաճախ է հանդիպել կարծիքների՝ ի պաշտպանություն հատուկ գործողության, հակառակ կարծիքի են եղել 9%-ը…»,- նշում է կենտրոնը։