ՏԵՍԱՆՅՈՒԹ․ Բոլորս միասին պետք է սատար կանգնենք Արցախի Հանրապետությանը․ Սեյրան Օհանյանը Արտաշատում է

Բոլորս միասին պետք է սատար կանգնենք Արցախի Հանրապետությանը՝ ըստ Yerkir.am-ի հայտարարեց ՀՀ պաշտպանության նախկին նախարար, ԱԺ «Հայաստան» խմբակցության պատգամավոր, գեներալ-գնդապետ Սեյրան Օհանյանը Համազգային դիմադրության շարժման շրջանակում Արտաշատի մարզկենտրոնում Արցախի դրոշի տեղադրման արարողության ժամանակ։

Նրան ներկայացրին իբրև թուրքական բանակին ծնկի բերած գեներալ-գնդապետ։

«Ինձ համար մեծ պատիվ է Արտաշատում գտնվել իմ գործընկերների և ՀՅԴ մեր ընկերների հետ միասին Արցախի դրոշի բարձրացման կապակցությամբ։ Եկել է պահը, որ ինչպես 1988 թ-ին հայ մտավորականների, հայ կամավորականների միասնական շարժման արդյունքում ձևավորվեց Արցախյան ազգային ազատագրական շարժումը և մենք հաղթանակներ կերտեցինք, այդ պահը հիմա էլ է անհրաժեշտ և մենք բոլորս միասին պետք է սատար կանգնենք Արցախի Հանրապետությանը»,-ասաց Սեյրան Օհանյանը։

Պաշտպանելով Արցախը մենք պաշտպանում ենք Հայաստանի Հանրապետությունը՝ նշեց նա։

«1988 թ-ի շարժման և 92-94 թթ մարտական գործողությունների ընթացքում Հայաստան-Արցախ մի կուռ անվտանգային համակարգի ձևավորմամբ մենք պայմաններ ստեղծեցինք հայ ժողովրդի միասնական արարման, հայ ժողովրդի միասնական զարգացման և Հայաստանի և Արցախի միասնական անվտանգային համակարգի համար»,-ասաց Սեյրան Օհանյանը։

Միջոցառման ֆոտոռեպորտաժը՝ այստեղ:

Մանրամասն՝ տեսանյութում․