Այս պահին Երևանում sett-weather
Փոխարժեքներ 23 11 2024
USD ⚊ $ 389.76
EUR ⚊ € 406.4
RUB ⚊ ₽ 3.79
GBP ⚊ £ 488.37
GEL ⚊ ₾ 142.31
կարևոր
0 դիտում, 2 տարի առաջ - 2022-03-18 15:24
Քաղաքական

Մենք կանգնած ենք պարենային անվտանգության խնդրի առջև. ընդդիմադիր պատգամավոր

Հայաստանն այսօր կանգնած է պարենային անվտանգության խնդրի առջև․ Ազգային ժողովում լրագրողների հետ զրույցում ասաց «Հայաստան» խմբակցության պատգամավոր Արթուր Խաչատրյանը։

Նա հիշեցրեց, որ Ռուսաստանի Դաշնությունն արգելել է ԵԱՏՄ երկրներ հացահատիկի արտահանումները, լիցենզավորված կազմակերպությունները կարող են դա անել, իսկ դա արվում է, որովհետև, ըստ պատգամավորի, վստահության պակաս կա։

«Մարդիկ վախենում են, որ Հայաստանը կառնի ու կվաճառի երրորդ երկրներ, Ղազախստանը կառնի, կվաճառի երրորդ երկրներ և այլն, բայց երկարաժամկետ կտրվածքով, որպեսզի դու դրանից խուսափես, պետք է տեղական արտադրությունը զարգացնես. 40 տոկոսի չափ մենք վարելահողեր ունենք, որոնք չեն մշակվում, հիմա պետք է հասկանալ՝ չմշակվելո՞ւց է պետությունն ավելի շատ վնաս ստանում, թե՞ այն գումարից, որ պետք է դնի պետությունը, որ հողերը մշակվեն։ Պետք է ծախսերի ու եկամուտների վերլուծություն անել»,- նշեց ընդդիմադիր պատգամավորը։
 
Ըստ Խաչատրյանի՝ Հայաստանում կան հողատարածքներ, որտեղ միայն կարող ես հացահատիկ կամ կերային կուլտուրաներ ցանել։
«Հայաստան» խմբակցության պատգամավորն ասաց, որ 2021 թվականին Հայաստանն ունեցել է կատաստրոֆիկ ցածր բերքատվություն. 5 տարվա կտրվածքով՝ ունեցել է ամենաքիչ  մշակվող հողատարածքները և արդյունքում ստացվել է ամենաքիչ բերքը՝ 97 հազար 200 տոննա։
«Արցախից 50 հազար տոննայի կարգի հացահատիկ էինք ստանում, բայց այս իշխանության օրոք դա անցավ թուրքերին, պարզ է, որ մեր ինքնաբավության մակարդակն ընկավ», - հավելեց Արթուր Խաչատրյանը։ 

Հիշեցնենք՝ օրեր առաջ ՊԵԿ նախագահ Ռուստամ Բադասյանը վստահեցրել էր՝  Հայաստանը պարենային անվտանգության հետ կապված որևէ խնդիր չի ունենա, ներմուծումներ առաջիկայում հնարավոր կլինի կատարել Ռուսաստանից։

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը