Անհրաժեշտ է հարատեւ պայքար մեր նպատակներին հասնելու համար․ Կիրո Մանոյան

Կանադայի Հայ դատի հանձնախմբի Օտտավայի գրասենյակի գործադիր տնօրեն Սեւակ Բելյանը մարտի 12-ին առցանց հատուկ քննարկում է անցկացրել ՀՅԴ Բյուրոյի անդամ, ՀՅԴ Բյուրոյի Հայ Դատի և քաղաքական հարցերի գրասենյակի ղեկավար Կիրո Մանոյանի հետ՝ ռուս-ուկրաինական պատերազմը եւ դրա հետեւանքները Հայաստանի ու Արցախի վրա թեմայով։

«Երկրորդ համաշխարհային պատերազմից հետո այս մասշտաբի պատերազմ Եվրոպայի ցամաքամասի վրա չի եղել, եւ այդ առումով այն աննախընթաց է»,– ասել է Կիրո Մանոյանը:

Խոսելով Հայաստանի ու Արցախի վրա այդ պատերազմի հնարավոր ազդեցության և հետևանքների մասին՝ Կիրո Մանոյանը մասնավորապես նշել է, որ բավական ծանր է իրավիճակը, եւ անհրաժեշտ է մեկ բան՝ հարատեւ պայքար մեր նպատակներին հասնելու համար։ Այդ պայքարը ժամանակ առ ժամանակ կարող է նաև անհաջողություններ ունենալ, բայց մենք պետք է համոզված լինենք, որ, ի վերջո, հասնելու ենք մեր նպատակին, որովհետեւ ուրիշ ընտրություն չունենք։

Ըստ Կիրո Մանոյանի՝ ռուս-ուկրաինական պատերազմը որոշ նոր վտանգներ եւ հնարավորություններ է ստեղծել Հայաստանի եւ հայության համար։ Անհրաժեշտ է, որ մենք ճիշտ կողմնորոշվենք եւ փորձենք եղած մարտահրավերներն ու վտանգները հաղթահարել:

Կիրո Մանոյանն անդրադարձել է նաև թեմայի շուրջ այլ հարցերի։

Մանրամասները՝ տեսանյութում