Այս պահին Երևանում sett-weather
Փոխարժեքներ 21 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 2 տարի առաջ - 2022-03-09 18:12
Սպորտ

ՀՖՖ-ի մրցավարական կոմիտեն նոր նախագահ ունի

ՀՖՖ-ի մրցավարական կոմիտեն նոր նախագահ ունի

Այսօր կայացել է Հայաստանի ֆուտբոլի ֆեդերացիայի Գործադիր կոմիտեի հերթական նիստը։ Ինչպես տեղեկացնում է ՀՖՖ մամուլի ծառայությունը, օրակարգում ընդգրկված է եղել 3 հարց:

Առաջին երկու հարցերի քննարկումից հետո ՀՖՖ Գործադիր կոմիտեի անդամները միաձայն քվեարկել են ՀՀ Առաջին խմբի առաջնության արտոնագրման կանոնակարգի (2022 թ. խմբագրություն) հաստատման, ՀՖՖ Մրցավարական կոմիտեի նախագահի պաշտոնում Սլավիկ Ղազարյանի նշանակման օգտին: Նույն կոմիտեի անդամի թափուր հաստիքը, ՀՖՖ Գործադիր կոմիտեի անդամների քվեարկության արդյունքում, կհամալրի ՀՖՖ տեսուչ Կամո Մահտեսյանը:

ՀՖՖ Գործադիր կոմիտեի՝ 2022 թ հունվարի 21-ին կայացած նիստի ընթացքում որոշվել էր ՀՖՖ Գործկոմի անդամների դիրքորոշումները VBET Հայաստանի Պրեմիեր Լիգայի և Առաջին խմբի առաջնության հանդիպումների հայտացուցակներում ՀՀ-ում մարզված ֆուտբոլիստների քանակի (2022-23 մրցաշրջան) վերաբերյալ ներկայացնել VBET Հայաստանի Պրեմիեր Լիգայի և Առաջին խմբի ակումբներին և ստանալ նրանց դիրքորոշումները:

Հարցի բազմակողմանի քննարկումից հետո, հաշվի առնելով նաև ակումբների դիրքորոշումները, որոշվեց անփոփոխ թողնել VBET Հայաստանի Պրեմիեր Լիգայի և Առաջին Խմբի առաջնության հանդիպումների հայտացուցակներում ՀՀ-ում մարզված ֆուտբոլիստների քանակը (2022-23 մրցաշրջան):

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը