Կարևոր օրենքները պետք է նախապես պլանավորել և ներկայացնել ԱԺ, որ նման իրավիճակ չունենանք. Օհանյան

Որևիցե մեկը չի խորշում աշխատելուց, և հրատապության խնդիրները Հայաստանում պետք է որոշվեն՝ առաջնահերթություններից ելնելով․ ելույթում ասաց «Հայաստան» խմբակցության ղեկավար Սեյրան Օհանյանը:

Հիշեցնենք, որ Ազգային ժողովը քննարկում է «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» օրենքում լրացում կատարելու մասին նախագիծը։

«Տիկին փոխնախարարը պետք է արձանագրի, որ կարևոր օրենքները, որոնք ետք է ներկայացվեն ԱԺ, պետք է պլանավորվեն և ժամանակին ներկայացվեն, որպեսզի նման իրավիճակ չունենանք: Հրատապությունը ոչ թե այս օրենքի մեջ փոփոխություն կատարելն է, այլ հակածխախոտային ռազմավարությունը: Եթե մենք ծխախոտի դեմ պայքարի ռազմավարություն ունենք, մտածում ենք մեր երեխաների առողջության մասին, ապա ամեն օր պետք է խոսվի դրա մասին»,- ասաց պատգամավորը: