Շոյգուն նշել է` երբ կավարտվի Ուկրաինայում պատերազմը

Ռուսական բանակը կշարունակի ռազմական գործողությունն Ուկրաինայում՝ մինչև սահմանված նպատակների իրագործումը։ Այս մասին հայտարարել է ՌԴ պաշտպանության նախարար, բանակի գեներալ Սերգեյ Շոյգուն։

«Ռուսաստանի Դաշնության զինված ուժերի խմբավորումը կշարունակի իրականացնել հատուկ ռազմական գործողություն՝ իր նպատակներին հասնելու համար»,- ըստ ՏԱՍՍ-ի՝ երեքշաբթի կայացած կոնֆերանսի ժամանակ ասել է Շոյգուն։

Ըստ նրա՝ Ռուսաստանին Արևմուտքի ռազմական սպառնալիքից պաշտպանելը Ուկրաինայում հատուկ գործողության հիմնական խնդիրն է։

«Մեզ համար գլխավորը Ռուսաստանի Դաշնությունը պաշտպանելն է այն ռազմական սպառնալիքից, որը բխում է արևմտյան երկրներից, որոնք փորձում են օգտագործել ուկրաինացի ժողովրդին մեր երկրի դեմ պայքարում»,- ասել է Շոյգուն։