Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 2 տարի առաջ - 2022-02-25 16:54
Իրավական

Թմրամիջոց աճեցնելու, պատրաստելու, ինչպես նաև ապօրինի կերպով ռազմամթերք պահելու գործով նախաքննությունն ավարտվել է

Թմրամիջոց աճեցնելու, պատրաստելու, ինչպես նաև ապօրինի կերպով ռազմամթերք պահելու գործով նախաքննությունն ավարտվել է

Թմրամիջոց աճեցնելու, պատրաստելու, ինչպես նաև ապօրինի կերպով ռազմամթերք պահելու գործով նախաքննությունն ավարտվել է։
ՀՀ քննչական կոմիտեի հատկապես կարևոր գործերի քննության գլխավոր վարչությունում իրականացված քննչական և դատավարական այլ գործողությունների արդյունքում պարզվել են Կոտայքի մարզի 50-ամյա բնակչի կողմից ապօրինի կերպով ռազմամթերք պահելու, խոշոր չափերի կանեփի բույսեր աճեցնելու, ինչպես նաև դրանք վերամշակելու և զգալի չափերով «Մարիխուանա» տեսակի թմրամիջոց պատրաստելու դեպքերի հանգամանքները:

 Քննությամբ ձեռք բերված փաստական տվյալների համաձայն՝ Կոտայքի մարզի 50-ամյա բնակիչը իր բնակության վայր հանդիսացող շենքին կից հողամասում, 2019թ. աշնանից մինչև 2020թ. գարունն ընկած ժամանակահատվածում ցանել և աճեցրել է շրջանառությունն արգելված, խոշոր չափերով՝ թմրաալկալոիդ տետրահիդրոկաննաբինոլ պարունակող կանեփի բույսեր, որոնք ՀՀ ոստիկանության համապատասխան բաժնի աշխատակիցների կողմից հայտնաբերվել և վերցվել են 2020թ. հուլիսի 23-ին կատարված խուզարկության ժամանակ:
 Բացի դրանից՝ 50-ամյա տղամարդը, վերոնշյալ հողամասում իր կողմից ցանած և աճեցրած կանեփի բույսերը չորացնելով, առանց իրացնելու նպատակի ապօրինի պատրաստել և վերամշակել է զգալի չափերով՝ ընդհանուր 6.69 գրամ հաստատուն չոր քաշով «Մարիխուանա» տեսակի թմրամիջոց և իր անձնական օգտագործման համար այն պահել նշված հողամասում տեղադրված վագոն տնակում գտնվող իր բաճկոնի գրպանում և վագոն տնակին կից գտնվող երեսպատման սալիկների արանքում՝ պլաստմասե տարրայի և թղթե փաթեթների մեջ, որոնք հայտնաբերվել են խուզարկության ժամանակ:

Քննությամբ պարզվել է նաև, որ 50-ամյա տղամարդը ապօրինի կերպով ձեռք է բերել և հիշյալ վագոն տնակում գտնվող բաց պահարանում՝ օծանելիքի տուփի մեջ, պահել է 21 հատ 5,45 մմ /5,45×39/ տրամաչափի փամփուշտներ, որոնք ևս հայտնաբերվել և վերցվել են խուզարկության ժամանակ:

Ձեռք բերված բավարար ապացույցների համակցությամբ՝ 50-ամյա տղամարդուն մեղադրանք է առաջադրվել՝ ՀՀ Քրեական օրենսգրքի 235-րդ հոդվածի 1-ին մասով, 268-րդ հոդվածի 1-ին մասով և 273-րդ հոդվածի 1-ին մասով: Նրա նկատմամբ որպես խափանման միջոց է ընտրվել չհեռանալու մասին ստորագրությունը:

Նախաքննությունն ավարտվել է, և քրեական գործը, մեղադրական եզրակացությունը հաստատելու և դատարան ուղարկելու միջնորդությամբ, ուղարկվել է դատավարական հսկողություն իրականացնող դատախազին:

 
 
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը