Հայաստանի անկախությունը և ինքնիշխանությունը բացարձակ արժեքներ են. Իշխան Սաղաթելյան

Դատարանում փաստաբանները շատ հստակ, մանրակրկիտ տվեցին այն բոլոր հիմնավորումները, որ Առուշ Առուշանյանին կալանքի տակ պահելն անհիմն է, նաև գրավի առաջարկ արեցին, մնում է  տեսնել՝ դատավորը կենթարկվի՞ հերթական ճնշումներին, թե՞ ոչ , կիրականացնի՞ արդարադատություն, թե՞ ոչ»․ ասաց ԱԺ փոխնախագահ Իշխան Սաղաթելյանը հաջակցություն Առուշ Առուշանյանի կազմակերպված հավաքի ժամանակ։

«Վերջին  օրերի դեպքերն  ու իրադարձություններն  արդեն ակնհայտ են դարձնում, որ  Հայաստանում դատարանները դարձել են բութ գործիք՝  Նիկոլի բռնապետությունն Հայաստանում հաստատելու համար։  Այսօր անկախ դատավորներին դատում են միայն նրա համար, որ  ընդդիմադիրներին ապօրինի չեն դատում, սա խայտառակաություն է, որին լուռ հետևում են միջազգային հանրությունը, իրավապաշտպան կազմակերպությունները։ Տպավորություն է, որ այս իշխանությունը բոլորին ձեռնտու է, բացի հայերից»,- ասաց Իշխան Սաղաթելյանը։