Պաշտոնական գերատեսչությունն ամեն ինչ անում է, որ նմանատիպ դեպքերը չհանրայնացվեն․ Աբրահամյան

«Գլխավոր խնդիրն այն է, որ 2021 թվականին,  բացի սահմանագծում տեղի ունեցած ադրբեջանական սադրանքներից, գերեվարման դեպքերից,  ունեինք նաև զինված ուժերում ոչ մարտական կորուստներ, և ԱԺ քառօրյայի ընթացքում պարզվեց, որ պաշտպանության նախարարը չի տիրապետում, թե 2021 թվականի ընթացքում ԶՈւ-ում որքան մարտական կորուստներ են եղել։ Երկրորդ խնդիրը՝ հաստատվեց այն, որ մենք, օրինակ, 2021 թվականի նոյեմբերին ունենք պայմանագրային կորած զինծառայող, որի մասին պաշտոնական գերատեսչությունը որևէ տեղեկություն չի հաղորդել և ամեն ինչ անում է, որպեսզի նմանատիպ դեպքերը որևէ ձևով չհանրայնացվեն։

Կան իշխանությանն կողմից որոշակի ազդակներ առ այն, որ այն տեղեկությունները, որոնք իշխանության քիմքին հաճելի չեն, դրանց հրապարակայնացումը կարող է բերել քրեական տարբեր գործերի հարուցման»,- խորհրդարանական ճեպազրույցում հայտարարեց «Պատիվ ունեմ» խմբակցության պատգամավոր Տիգրան Աբրահամյանը։

Մանրամասն՝ տեսանյութում։