Բաքվի դատարանը գերեվարված հայ քաղաքացիներին մեղադրում է Բաքու-Թբիլիսի-Ջեյհան նավթամուղը պայթեցնելու փորձի մեջ

Այսօր Սաբունչիի շրջանային դատարանի վարչական շենքում տեղի է ունեցել Հայաստանի քաղաքացիներ Իշխան Սարգսյանի և Վլադիմիր Ռաֆայելյանի քրեական գործով անօրինական դատական նիստը։

Ըստ Azeri Daily-ի, Գյանջայի ծանր հանցագործությունների դատարանի դատավոր Էլմին Ռուստամովի նախագահությամբ տեղի ունեցած դատավարության ժամանակ դատախազը հրապարակել է մեղադրական եզրակացությունը։

Ըստ մեղադրանքի՝ «Հայաստանի ՊՆ հատուկ նշանակության հետախուզական խմբի հրամանատար Ի. Սարգսյանը և որպես քաղաքացիական ինժեներ Վ.Ռաֆայելյանը 2021 թվականի մայիսի 7-ին ապօրինի հատել են Ադրբեջանի պետական սահմանը և ականապատել են Քարվաճառի շրջանի տարածքով անցնող Ադրբեջանի ՊՆ ստորաբաժանումների մատակարարման գծերը»:

Դատավարության ընթացքում Սարգսյանը ցուցմունք է տվել, թե իբր իրենք հրահանգ են ստացել «տարածքի հետախուզություն իրականացնել, ճանապարհներ փակել, ականապատել և փշալարեր անցկացնել, ինչպես նաև պայթեցնել Բաքու-Թբիլիսի-Ջեյհան նավթամուղը:

Դատավարությունը կշարունակվի հունվարի 24-ին։