Այս հարցում ազգին պառակտելու տաղանդը բնորոշում է այս կառավարության ադեկվատության աստիճանը. Ստեփան Դանիելյան

Հայ-թուրքական բանակցությունները (մի կողմ թողնենք այս պահին դրանց անցկացնելու  նպատակահարմարության հարցը) կարող էին միավորել հանրությանը, անկախ ներքաղաքական թշնամանքին, քանի որ դա ունի համազգային նշանակություն: Այս մասին Facebook-ի իր էջում գրել է քաղաքական մեկնաբան Ստեփան Դանիելյանը:

Նա, մասնավորապես, նշել է. «Սակայն պետք է իրոք լինել այդքան «տաղանդավոր», որ նման անընդունելի ու անփորձ անձնավորություն նշանակել բանակցող, որ անկախ այդ բանակցությունների արդյունքներից, ի սկզբանե, արդեն հանրությանը հերթական անգամ պառակտել ու անվստահություն ներշնչել այդ բանակցությունների հանդեպ:

Գոնե այս հարցում ազգին միավորելու շանսն օգտագործելու փոխարեն այն պառակտելու տաղանդը բնորոշում է  այս կառավարության ադեկվատության աստիճանը»։