Այս իշխանությունների օրոք մենք երեկ հերթական շոկն ապրեցինք․ Ալիևը պահանջեց ժամկետներ․ Թևանյան

Ակնհայտ է, որ այս իշխանությունների օրոք մենք ամեն օր նոր շոկ ենք ապրելու։ Հերթական շոկը երեկ էր, երբ Ալիևը փաստացի պահանջեց հստակ ժամկետներ սահմանել, և նրանք  չեն թաքցնում, որ «Զանգեզուրի միջանցք»-ը՝ իրենց ասած, կարող են ստանալ ուժով։ Այս պայմաններում ստացվում է, որ իշխանությունները կա՛մ նոր պատերազմ են բերելու, կա՛մ ոչ մեր ազգային անվտանգությանը նպաստող  տարբերակով սահմանագծման և սահմանազատման աշխատանքներ են արվելու։ Այս մասին ԱԺ-ում լրագրողների հետ ճեպազրույցում ասաց «Հայաստան» խմբակցության պատգամավոր Անդրանիկ Թևանյանը։

«Մեր խնդիրները ֆունդամենտալ են այն առումով, որ Հայաստանը ներկայացված է պարտության խորհրդանիշի դեմքով և նա չի կարող բանակցել հակառակորդի հետ և չի կարող հարաբերություններ հաստատել մեր ռազմավարական  դաշնակիցների, մեր բարեկամների, մեր հարևանների հետ»,- ասաց Թևանյանը։

Մանրամասն՝ տեսանյութում։