Կիպրոսի խորհրդարանը հայերի դեմ Ադրբեջանի ագրեսիան դատապարտող բանաձև է ընդունել

Կիպրոսի Ներկայացուցիչների պալատը միաձայն ընդունել է բանաձև` դատապարտելով հայ ժողովրդի դեմ Ադրբեջանի շարունակվող ագրեսիան և Լեռնային Ղարաբաղում ներկայիս դրությունը. հայտնում է Հունաստանում և Կիպրոսում Հայաստանի դեսպանը:

Բանաձևը դատապարտում է Ադրբեջանի ագրեսիան ըննդեմ Հայաստանի և Արցախի և պահանջում է կատարել 2020 թ. նոյեմբերի 9-ով նախատեսված դրույթները` ներառյալ գերիների ազատ արձակումը:

Միևնույն ժամանակ Կիպրոսը նաև կոչ է արել միջազգային հանրությանը գործել, որպեսզի վերջ դրվի Հայաստանի դեմ Ադրբեջանի ագրեսիային, ինչպես նաև կոչ է անում միջազգային կազմակերպություններին Արցախին հումանիտար օգնություն տրամադրել:

Բանաձևում նաև դատապարտվում է Արցախի դեմ պատերազմում Թուրքիայի մասնակցությունը: