Նիկոլ Փաշինյանը որոշել է, որ գերիները երևի կարող են հավերժ սպասել. Աննա Մկրտչյան

Գերիների հարցով քննարկում կազմակերպելը եղել է ընդդիմության նախաձեռնությունը, և այդ հրատապ նիստի հնարավորությունը բացառապես ընդդիմադիր պատգամավորների ստորագրության հաշվին է տեղի ունենալու: Այս մասին այսօր՝ նոյեմբերի 16-ին, ԱԺ-ում լրագրողների հետ զրույցում ասաց ԱԺ «Պատիվ ունեմ» խմբակցության պատգամավոր Աննա Մկրտչյանը:

Նա նշեց, որ հերթական անգամ ԱԺ մեծամասնությունը փոխել է նիստի բովանդակությունը, ֆորմատը, հրավիրվող պաշտոնյաների ցանկը:

«Փաշինյանն այս անգամ էլ որոշել է, որ իրեն պետք չէ, ինչպես մի քանի ամիս առաջ ասել էր՝ 2 ամիս գերիները կսպասեն, երևի հիմա էլ մտածում է՝ գերիները կարող են հավերժ սպասել»,- նշեց պատգամավորը:

Նա ասաց, որ այդ մարդիկ էլի իրենց դատարկությունը, սնանկությունը, գործողությունների բացակայությունը քողարկելու համար քվեարկել և սահմանել են քննարկման դռնփակ ռեժիմ,  ոչ պատշաճ պաշտոնյաների ներկայություն:

«Սրանից ի՞նչ ակնկալենք»,- հարցադրում արեց ընդդիմադիր պատգամավոր Ա. Մկրտչյանը: