Նիդերլանդները հրաժարվել են AstraZeneca-ից

Նիդերլանդների բնակիչներին այլևս չի առաջարկվի  կորոնավիրուսի դեմ AstraZeneca պատվաստանյութը. հայտնում է NOS-ը:

Նիդերլանդների առողջապահության նախարար Ուգո դե Յոնգեն ասել է, որ պատվաստանյութը գրեթե չի կիրառվել 2021 թվականի ամառվանից՝ մատակարարումների բացակայության պատճառով։ Ըստ նրա՝ միայն մի քանի մարդ է գրանցվել AstraZeneca-ով պատվաստվելու համար վերջին շաբաթների ընթացքում։ Նախարարը նշել է, որ մարդիկ, որոնք արդեն ստացել են AstraZeneca-ի առաջին դեղաչափը և գրանցվել են երկրորդի համար, պատվաստվելու են Pfizer-ով:

Գարնանը Նիդերլանդներում կասեցվել էր AstraZeneca պատվաստանյութի կիրառումն այն բանից հետո, երբ Դանիան և Նորվեգիան հայտարարեցին դրա հետևանքով թրոմբի հնարավոր ձևավորման մասին։ Այնուհետև պատվաստումը վերսկսվել էր, բայց միայն 60 տարեկանից ցածր մարդկանց համար։